【新增回應】

52歲嘅台灣導演兼演員鈕承澤，噚日傳出喺拍攝由任賢齊主演嘅電影《跑馬》其間，懷疑性侵一名女性工作人員，其後受害者喺朋友陪同下去咗警局報案(新聞連結： https://bit.ly/2SvjJqR )。

消息傳出後，震驚咗台灣嘅娛樂圈，台灣《蘋果》分別喺鈕承澤嘅製作公司同大安分局外守候，不過未見到佢嘅蹤影，同時仲試過打電話畀鈕承澤，但係佢都冇聽過電話，連短訊都冇睇！ 監製嘅李烈同鈕承澤識咗超過20年，亦曾經為佢嘅電影擔任，李烈語重心長話：「該面對的都要去面對。」

據知鈕承澤目前嘅個人狀況好差，事後一度向受害人求饒，希望唔好提告，甚至一時之間完全唔識得去處理，將自己鎖喺屋企，但係最後都搵咗律師研究。至於電影《跑馬》嘅善後安排，雖然已經拍咗三分之二，不過都會全部先解散，事關以目前嘅狀況去睇，鈕承澤冇可能再導演，亦唔會有心機去諗！

直到今晚大約6時15分左右，鈕承澤終於喺fb留言，佢話：「昨晚至今，面對排山倒海的壓力，無法入睡，精神狀態極差，但我不會逃避。該我承擔的責任，我一定會勇於面對，絕不逃避。明早八點半我會主動前往大安分局說明事件經過。鈕承澤 敬上」

精選娛聞，喺晒《娛果》
http://fb.com/appledailyent