失落金曲歌王嘅台灣歌手林宥嘉，並冇影響佢哋心情，今晚如常舉行婚宴，喺台灣寒舍艾美筵開40席，招待約約400位賓客。

由於佢哋兩公婆都喜愛大自然，今晚婚宴主要色調係白色同綠色，場有佈置亦有很多綠色植物，營造森林風格，連送俾賓客嘅回禮都係多肉植物盆栽，仲喺盆栽陶器上畫上特製插圖，別具巧思。林宥嘉同丁文琪接受傳媒訪問時，丁文琪見到咁多傳媒，好似好大陣仗咁，佢都忍唔住同老公悄悄話，呢對新人都好合作，應記者要求左中右各吻2秒。

講到剛失落金曲歌王，林宥嘉就話，當晚返到屋企，丁文琪就喊，佢話：「因為她希望我能拿到獎」，所以煮了宵夜一起吃，「但我娶到了一個能廝守終身的老婆，很幸福」。