周日（18日）第八場2000米香港打吡，為四歲馬最高榮譽之戰，總獎金1,800萬，頭馬獎金1,026萬。

早期此賽只供該季入口新馬出戰，到1981年起限四歲馬，所以賭王何鴻燊名下第一匹「爆冷」於1980年跑完第四名，翌年因改例，可再參加一次，結果得第九名，係本港賽馬史上，唯一一匹兩戰香港打吡之馬。

近六屆打吡最高分1號馬，累積四冠一亞佳績，上屆掛頭牌之1號馬「佳龍駒」克服初跑2000米路程障礙奪魁。以此推算，今次最高分1號馬「當家精選」評112分，高對手6至30分，卻平磅作戰大利，雖同樣冇路程根據，但上次初跑1800米甩蹄鐵加慢閘都第四，級數可能勝群雄一籌！

圖片：香港賽馬會