擁34D豐滿上圍的袁嘉敏，去年憑《鴨王》一脫脫貧，由中環山腳搬上中半山豪宅曉峰閣。最近還扑中有樣有米筍盤，與6呎外籍型男Kenneth在街頭舌戰打得火熱。今個聖誕節，袁嘉敏化身聖誕女郎接受本報專訪，謂準備在boxing day送巨禮給男友，她笑說：「我份禮物好珍貴，就係畀佢最大嘅自由度，我哋各有各忙，每個月我有7日、佢有20日唔喺香港，我唔會死纏叫佢唔好走留低陪我，我都好需要呢份自由。」

唔介意露點拍寫真

昨日聖誕節袁嘉敏與家人一起慶祝，反而男友要離港公幹，未能送自己做boxing day禮物，她一臉含羞謂：「我哋好規矩、好純真，真㗎，我好純真。人成熟咗，𠵱家係互相了解中，唔想太衝動、太快達到某啲成果，冇意思。」袁嘉敏自言已有6年冇拍拖，她說：「我係寧缺勿濫，好少諗結婚同生小朋友嘅嘢，首先要搵適合人，唔想將來成日鬧交。」
另外，袁嘉敏正籌備推出寫真集，找來著名髮型師Kim Robinson合作，預計明年1月在香港及澳洲取景，問會否露點演出？她說：「到時睇Kim諗法，佢除咗負責髮型，仲會做埋藝術指導，大師傅眼光唔同啲，希望出嚟效果似時裝雜誌，藝術感重啲，唔會賣弄色情。」
採訪：嵐山
服裝：YEECHOO.Com