男排女將|Stephy角色原型葉鳳儀教波多規矩 坐車去比賽途中不准入睡
排球Steph鄧麗欣葉鳳儀力臻
葉鳳儀教練(白衫)多年來不問回報地教導力臻排球隊。相片由受訪者提供
ViuTV劇集《男排女將》好評如潮,有指鄧麗欣(Stephy)能演出葉鳳儀教練神髓,而力臻四位元老直言恩師對球隊的投入程度尤有過之,鳳儀多年來出錢出力、無條件地的教導也成四子榜樣,令他們繼續不問回報貢獻排球壇。
力臻每周風雨不改練體能,葉鳳儀教練亦會到場陪伴。 相片由受訪者提供
Stephy在劇中對力圖眾人猶如「教仔」,現實中葉鳳儀教練對力臻球員也是無微不至,現役力臻主攻郭永浩笑言自己感受最深,同時打室內及沙灘排球的他不時要連續兩日比賽,當時鳳儀亦會關心其狀態。力臻現任教練王卓賢補充,鳳儀比其他教練着重細節,不論待人處事抑或教波,她的要求也很高,這有助年青球員打好根基,「好似阿媽教仔咁哦,佢未試過大鬧或重罰我哋,但佢會就一件事不斷提,提到你明、提到你做為止。其實我覺得係有用,如果佢粗枝大葉咁帶過,根基可能扎得唔夠深。」力臻四子更你一言我一語,透露鳳儀教波有諸多規矩,如凌晨兩點前要上床睡覺、坐車去比賽途中不准入睡、比賽前要食白飯等,確保眾人精神抖擻地應付練習及比賽,王卓賢亦感激鳳儀整治球隊紀律:「就係因為咁,我哋先可以五年間由丙組升上甲一。」
葉鳳儀教練無私奉獻球隊,力臻元老陳啟樑(左起)、林朗熙、王卓賢、郭永浩視恩師為榜樣。
對球員高要求之餘,王卓賢坦言鳳儀律己更嚴,後者多年來出席率屬全隊之冠,即使球隊練三小時體能,她亦會從旁陪伴:「佢一個女人,十幾年時間無條件咁樣畀咗我哋,令到我哋𠵱家呢刻繼續無私去畀返下一代。」鳳儀近年要照顧家庭而半退休,王卓賢、林朗熙、陳啟樑三位力臻創隊元老在兩年前一同退役,並齊齊執起教鞭,盼將球隊精神傳承下去:「鳳儀以身作則唔計較付出,明顯佢真係好熱愛排球。𠵱家我有機會嘗試帶球隊,其實都唔介意有冇收入。」
-----------------------------
-----------------------------
-----------------------------