周柏豪今日去到商台宣傳最新專輯《關於愛》，佢今年初同老婆及屋企人去到冰島旅行，柏豪指自己唔習慣行路，因為要去一個飛機殘骸景點，花兩小時才步行到景點，自己仲行得慢過爸爸。柏豪指今次去嘅地方，係老婆10幾年前話想去嘅地方，令太太非常感動，柏豪話：「我哋一齊13年從未嗌過交，大家好夾，鍾意同唔鍾意嘅嘢都一樣，睇法一樣，當然大家會有遷就嘅時間，我比較麻煩，不過有咩都會講，瞓醒就冇事。」

柏豪前日33歲生日，佢笑言：「我生日我有短訊俾佢講I love you，其實冇所謂，簡單食飯開心就得，一齊10幾年唔需要驚喜，佢話想訂一份禮物俾我，但買唔到，我感覺反而好寄怪。」

精選娛聞，喺晒《娛果》
http://fb.com/appledailyent