本年度春季日劇陸續播出大結局，TBS電視台嘅人氣劇《小巨人》成績理想，噚晚播出最後一集喺關東地區錄得16.4%，比上集嘅13.7%大幅度上升。

《小巨人》由神劇《半澤直樹》班底炮製，故事以警隊嘅內部鬥爭及黑幕作為題材，長谷川博己飾演充滿正義感嘅男主角香坂真一郎，加上岡田將生、安田顯、香川照之等陣容，播出後以口碑留得大批固定觀眾捧場，昨晚於北海道取得19.9%高收視，瞬間更高達23.1%。

《小巨人》嘅成功原因係有班好戲之一助陣，曾在《半澤直樹》中飾演「大和田」嘅香川照之今次又係演繹深不可測嘅大奸角，佢喺大結局發揮精湛演技，同長谷川博己嘅對手戲時，二人利用「顏藝」做戲，純單靠表情已交代晒一切，歌舞伎演員出身嘅香川多場戲更演到面容扭曲，觀眾反應兩極，有觀眾就略嫌演得過晒火位，效果仲有啲惹笑。