永升(亞洲)有四名大股東，但當中兩人係內地商人，被指係染紅，吳天海話﹕「所謂染紅呢，我覺得唔係好洽當講法，如果紅嘅意思就係非本地人，非香港人，但據我理解李思廉先生係香港人嚟，唯一一個唔係就係趙生(趙令歡)機構，而佢持股量係百分之14，係完全迎合香港法例嘅。

香港法例係無防止，非香港嘅永久居民擁有或電視台持有高層職位，只要多數權係喺香港永久居民手上。如果你話佢背景唔係香港大，純舉個例，過去無綫同亞視好多主事人，唔係香港出世，或者廣東話唔正，咁係咪代表佢無資格做呢，我諗唔係可咁講。

唔擔心有大陸人入主後新聞部會變質？吳天海話﹕「我都講過，鄭生同邱生有百分之70嘅
控股權，係有絕對控股權，咁你覺得佢兩位係咪香港人呢？」有在場記者問，點解現在已有財經台，仲要重點加強財經台？吳天海話﹕「呢個我唔識答你，我幫唔到你，你要問佢喇。(係咪除邱生外，仲有其他基金接洽？)我唔方便講，我仲有同咩其他財團傾過，但最後覺得，評估呢個係最好嘅安排，永升會係港人接受嘅財團，鄭生同邱生喺香港咁多年，事業咁廣泛同深厚，應該得到香港人接受嘅財團，而今次注資安排，我覺得係對有線寬頻好，對有線員工、客戶同公眾整體嚟講都係好，係最值得接受方案。」而最後一個問題，都係關係人手調配問題，擔唔擔心影響本地新聞質素？吳天海話﹕「我唔知點調配啦，調配時係咪一定受影響呢？唔一定嘅。」