黎姿前男友龐維新的胞弟、豐裕興業主席龐維仁（Louis）與太太黃美儀（Catherine），昨晚假君悅酒店補擺喜酒。Louis與Catherine拍拖八年，去年已在香港註冊，昨晚特地宴請親戚朋友，筵開三十四圍。
新人更親自設計婚宴會場，主要以紅、白玫瑰布置，場內更以千朵紅玫瑰做成一個心形大花牌，內裏寫着一對新人的名字。

師生戀開花結果
由於去年已註冊，故昨日婚宴亦沒有特別儀式。Louis表示：「今朝去接新娘，都係做吓掌上壓同講咗幾句情話囉。」問到可有生BB大計？新郎風趣地說：「盡快喇，我都三十幾歲囉，生得幾多得幾多。」
談及一對新人如何認識，Louis笑說：「佢以前係我嘅學生，我哋搞師生戀呀！唔使追㗎，係雙方眉來眼去，達成共識一齊出街囉。」