【賀香港回歸祖國的質素】「中國小姐」血紅眼影+爛腳+漏砵仔糕 嚇死人咩…
林建名中國小姐慶回歸
呢個《2017年中國小姐大賽總決賽》,年年都為大家帶來唔少驚喜。今年,總決賽更將移師香港舉行,為慶祝「香港回歸祖國20周年」。今日主辦單位率先安排40位佳麗同傳媒會面,決賽將於本周五(15日),喺香港嘉里酒店舉行。
既然係要慶祝香港「回歸祖國20周年」咁大件事,OK,咁大家欣賞下,呢40位佳麗有幾正先。
大部份佳麗都係來自大陸,亦有來自台灣、香港同澳門嘅代表。
其他呢,有來自西安、上海、蘭州、湖南、河南、貴州、南京、天津、內蒙——成塊中國版圖喺齊度。
至於佳麗質素……唔係,應該講特徵,有晒南方同北方人嘅特徵同氣質……嗯,間尺鼻、漏「假奶」(即砵仔糕)、紅色眼影、殭屍妝,燕瘦環肥,樣樣齊。位位報稱學歷唔低,有大學生、碩士、碩士畢業,有個仲讀緊學前教育。難得大家都心繫祖國,甘願冒寒以三點式示人為香港同祖國留下一抹驚心動魄的紅……
更多娛聞,喺晒《娛果》
http://fb.com/appledailyent
4號來自湖南嘅沫曉伊,大學生,明明平胸,但用咗神奇胸墊之後,側露即平。
6號係來自香港嘅李芷菱,有叉腰冇同叉腰分別不大。至於點解打格?因為有啲蠱惑毛毛飛咗出嚟…
37號來自北京18歲佳麗王文卿,咁瘦真係好得人驚。
29號天津代表叫「所瑞恩」,由打扮到pose似乎都相當「隨心」。