韓國人氣劇《鬼怪》男神孔劉喺劇中飾演情深鬼怪被封新一代男神，早前有網民就喺菲律賓發現世界上另一個孔劉，並喺菲律賓嘅肯德基(KFC)捕獲一位神似孔劉嘅菲律賓店員(相關新聞連結： http://bit.ly/2s1VyYt )，呢位店員嘅側面似足孔劉年輕時嘅樣子。由於菲律賓孔劉忽然人氣急升，連當地嘅KFC都即刻抽水，搵菲律賓孔劉做生招牌(相關新聞連結： http://bit.ly/2sk5YCN )。

不過呢位菲律賓孔劉憑似「鬼怪」升呢，但係原來佢只得側面似孔劉，正面就一啲都唔似，有網民仲成功搵到呢位菲律賓孔劉嘅正面相，點知佢同正版孔劉個樣真係相距九丈遠，談唔上似孔劉，似乎佢都係靠側面似孔劉發圍，如果正面就唔似孔劉。

而之前KFC就公開招募「鬼怪新娘」，最終吸引數十名網民自薦，當中菲律賓版「鬼怪新娘」嘅五面樣反而激似金高恩，令唔少網民都期待佢同菲律賓孔劉重演《鬼怪》浪漫片段。