由噚日開始,就有內地網民傳出,話何韻詩會去到中山開演唱會,仲喺網上大鬧何韻詩,佢哋話:「4月份,罵大陸人是狗的漢奸何韻詩[差勁]來中山開演唱會,有骨氣的就不要去看那不男不女的演唱會,在朋友圈幫忙群發!4月8號在大信開記者招待會,朋友們,要麼不去,要去就記得帶上幾個臭雞蛋狠狠地往羞辱中國人的漢奸臉上狂砸![發怒][發怒][發怒]。」仲有網民話:「何韻詩四月份話來中山開唱。你哋點睇?1.打佢個仆街;2.用屎淋佢;3.餵佢飲尿。」
呢件事仲傳到香港嘅愛國藍絲耳中,都係大鬧何韻詩,但係大家都搞錯咗一件事,就係去中山開演唱會嘅唔係何韻詩,而係盧巧音喎!喺微博已經有好多網民為盧巧音澄清,但係都有網民好好奇,明明話開演唱會嘅係盧巧音,名嘅寫法又唔似,讀又唔似,唔明白點解會有人搞錯。