齊撐唔會執 魏秋樺:亞視應存在

蘋果日報 2012/12/10 00:00


【電視風雲】政府遲遲未發免費電視牌照,本報昨日報道指獲悉行會密議資料,政府一旦增發牌照,亞視會面臨倒閉。姚佳雯和亞洲會會長魏秋樺等昨日在大埔出席《春晚》面試活動,異口同聲擦鞋力撐亞視,魏秋樺更說:「我對亞視好有信心,絕對係一間良心嘅電視台,節目係有意思同意義,係應該存在。」

亞視頻頻出現零收視節目,為力挽狂瀾,最近為大型賀歲節目《ATV 2013人氣春晚唱紅亞洲》舉行招攬會,廣邀奇人異士參與演出,結果只有六人面試,包括93年曾參選亞姐及演出多部三級電影的蔡美蘭,以及曾面試今年亞洲先生、現年38歲的「肥膩孖蕉」鄧簡文。
empty
魏秋樺:「亞視節目有意思、意義!」
姚:咁多年都捱過
本報昨日報道行會密議資料,新台一開亞視即執,昨日在大埔總台為《春晚》擔任評判的亞洲會會長魏秋樺、姚佳雯、顏子菲和筱靖,異口同聲力撐亞視。魏秋樺說:「我對亞視好有信心,絕對係一間良心嘅電視台,節目係有意思同意義,好似《感動香港》、《亞視百人》同《星光伴我行》,呢啲資訊性節目做得非常好,亞視係應該存在。」更坦言不擔心亞視會倒閉。
empty
姚佳雯:「公司提出條件好,續約成數高!」
empty
筱靖:「好多都屬未知數」
即將約滿亞視的姚佳雯說:「我覺得冇可能,亞視捱咗咁多年都捱過,最近又加人工,我家同亞視都傾緊合約,佢哋條件好好,點解唔留低呢?」她透露知道有幾位同事續約。筱靖也說:「好多嘢仲係未知之數,大家家都係估會發到牌啫,風頭火勢,人云亦云係件好儍嘅事,王維基需要好多支持嘅聲音,可能到最後做咗俾人利用嘅工具,亞視做咗55年,但人哋家都未開到,你估邊間穩陣啲?」顏子菲又說:「我會盡力做好自己本份,對公司有信心。」
empty
曾參加亞洲先生面試的「肥膩孖蕉」鄧簡文直言力撐亞視,是忠實的觀眾。
empty
轉做保險的過氣亞姐蔡美蘭不擔心節目被腰斬。
志偉:未清楚政府
此外,演藝人協會會長曾志偉,前晚在東華籌款上被問到協會未表態支持免費電視台發牌,他說:「協會立場多啲台好,未出聲明係因為未好清楚政府點樣,公平競爭最好,雖然從未正式開會,但身為演藝界成員,多競爭吃香啲,同埋多啲選擇,自己支持發牌。」
採訪、攝影:黃曉妍、王崇穎