韓國綜藝節目《Running Man》(RM)將於今晚播出新一集，今次講成員分組進行冰球比賽。

於新公開嘅預告照中，可以見到有「Ace」之稱嘅智孝，於今次比賽中連番陷入苦戰，更因為咁而露出嬲樣，唔知最後智孝可唔可以反敗為勝呢？

另外，女星秀愛、吳漣序、河在淑依舊喺今集嘅嘉賓，而佢哋同《RM》成員要分別換上冰球嘅服裝，可能各人都係第一次着，所以就覺得好新奇，更拍照留念。

喺上一集播出時秀愛被問到覺得金鐘國點樣，秀愛亦直言好欣賞佢，令現場又有一陣甜蜜嘅氣氛。而兩人亦唔避嫌，金鐘國見到戴咗手套嘅秀愛自己一個好難戴頭盔，就立即上前幫忙，相當貼心！