無綫劇《宮心計2深宮計》最近熱播，劇中飾演「南宮司設」嘅康華被爆係四司設中最富貴，6年前佢一口氣喺荃灣朗逸峯連買兩個單位打通，現時市值已升逾2,300萬。

今日有報道指康華除咗投資有道，原來早年曾經秘婚，與一名喺美國開超市嘅富貴華僑阿Ken結婚，由於Ken喜歡應酬，會帶康華出席各類場合，所以唔少華人圈子都認識康華。可惜兩人關係未能長久，分手後康華亦返回香港生活，早前更嘆dry咗十年冇拍拖。

康華今日回覆傳媒時未有否認傳聞，簡單以短訊回覆﹕「感情嘅嘢我唔想回應了，我都一把年紀，現時只會照顧好父母，同做好啲戲，得到觀眾嘅讚賞已經好滿足，父母同事業第一位。」問到另一半有冇曾經喺經濟上嘅支持佢？康華話係靠自己努力﹕「我細細個就覺得住屋好緊要，由我識搵錢以來，都係我安排家人搬來搬去，早期投資磚頭慢慢樓換樓，我好博命搵錢架，揾到錢就買一舊磚仔儲返黎架。」

精選娛聞，喺晒《娛果》:
ttp ://fb.com/appledailyent