今晚（6日）係香港國際騎師賽嘅大日子，場內十二位嚟自不同國家嘅騎手，為爭奪冠軍寶座，一早磨拳擦掌，準備就緒。

咁多猛人同時間出現，當然會吸引世界各地嘅馬迷，飛嚟香港快活谷馬場，入場支持自己嘅偶像騎師，而有位名叫Shimicchi嘅日本馬迷，真係宏觀全場，一定係最破格嘅一位。

唔單止着齊所有騎師嘅專業裝備到場，仲係自己條褲上面貼上香港區旗及寫上「你好！」嘅字眼，當見到鏡頭影住佢嘅時候，仲好熱情咁展示佢嘅興奮心情，憑空畫出心心及大送飛吻。

國際騎師賽將第四場進行第一關，且看今屆鹿死誰手！