當年今日
關於我們

【《男朋友》集集追】第8集定律! 朴寶劍情深咀喬妹

蘋果日報 2018/12/20 21:52

宋慧喬集集追男朋友朴寶劍

由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上月28號首播,今日播出第8集,港迷稍後可於「黃Viu煲劇平台」同步追睇。
今晚劇情承接上一集講到首爾市長嘅女兒車秀賢(宋慧喬飾)同平凡青年金振赫(朴寶劍飾)已肯定雙方感情,朴寶劍更話0依家要消除曖昧正式開始戀愛,兩人又自拍又互餵牛扒。
喬妹得知朴寶劍將會調去束草酒店,即時回到公司搵崔理事,質問佢點解作毫無道理嘅人事調動,並警告佢適可而止。朴寶劍去搵喬妹,要喬妹讓佢調到束草,以免喬妹被人講。喬妹去找母親,強調自己唔會同前夫復婚,仲話會準備同前奶奶集團訴訟,喬妹話:「我離婚時候我在笑,因為我終於重新活過來,所以很開心,我會為了應付訴訟找律師,唔係為咗邊個,只係想過自己嘅人生。」
喬妹提議趁朴寶劍去束草前二人出外走走,兩人去到海邊,仲手拖手邊行邊傾偈,朴寶劍擔心喬妹會冷親即除褸畀喬妹,仲從後攬住喬妹膊頭,喬妹笑言美好嘅回憶越來越多,又指遇上朴寶劍之後會有更多嘅美好回憶。朴寶劍教喬妹影相,朴寶劍話因為相機珍貴先送畀喬妹,又叫喬妹幫佢拍照,喬妹看住朴寶劍忍唔住喊。二人回到喬妹嘅屋企,喬妹沖熱茶畀朴寶劍,朴寶劍看着看着,行過去從後抱實喬妹,話想一直同喬妹喝茶食飯,所有嘅嘢都想讓喬妹知道,二人更情深相擁。
前夫去搵喬妹,坦言喜歡喬妹,令喬妹唔知點反應。朴寶劍正式喺束草酒店做前台,喬妹司機去束草搵朴寶劍,仲當住其他職員講話過來係搵喬妹嘅男朋友。喬妹司機帶朴寶劍去新年化妝派對,朴寶劍成功搵到喬妹,兩人睇到場內跳舞即時回想起古巴嘅片段,朴寶劍同喬妹甜蜜對望,朴寶劍霸氣拉入懷,之後情深咀喬妹。今晚係第8集,《男朋友》亦跟足唔少人氣韓劇傳統「第8集必有吻戲」嘅定律,令朴寶劍同喬妹上演劇中首場初吻。
相關新聞連結:
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I
【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1
【第3集】朴寶劍漏夜飛車見喬妹 深情表白: 想見你所以才過來
https://bit.ly/2AXpjvj
【第4集】朴寶劍冧送生日禮物 當眾約會喬妹食拉麵
https://bit.ly/2BaWrj6
【第5集】終於接受朴寶劍? 喬妹:讓我哋喺曖昧中再見面
https://bit.ly/2zTBSba
【第6集】甜蜜拖手仔 喬妹公開認同朴寶劍玩曖昧
https://bit.ly/2UYaWzN
【第7集】下集咀嘴? 喬妹朴寶劍甜蜜自拍兼互餵牛扒
https://bit.ly/2EEYoIG
精選韓流,喺晒《娛果》
http://fb.com/appledailyent
empty
兩人手拖手浪漫約會
empty
朴寶劍從後抱抱喬妹
empty
最後情深咀嘴,so sweet