周潤發媽媽「發媽」育有四名子女，周潤發排第三，發哥胞姊周聰玲為攝影師亦廣為人熟悉，而發哥的兄長和胞妹則非常低調。雖然家人都成家立室，各有自己家庭，不過發哥會定時安排家庭聚會，過時過節一家人定必陪發媽食飯，兒孫滿堂𠱁老人家開心全由發哥一手包辦，發哥亦周不時打電話給發媽閒話家常。

發哥侍母至孝，說到發哥和發媽的母子情誼，眾所周知，發哥每個星期都會由九龍塘開車到港島區，接發媽去飲早茶食晚飯，就算近幾年媽咪行動不便要坐輪椅，依然風雨不改，親自攙扶發媽上落車。發哥一直都好緊張媽咪健康，其實多年前發媽的膝關節開始退化時，發哥為母訪尋名醫治理傷患，每日不辭勞苦開車接送媽咪去南華會游水，既可強身健體，亦可當做物理治療，膝關節問題及健康亦大大改善，所以發媽去到90歲仍聲如洪鐘。

發媽是客家人，發哥知媽咪喜歡吃家鄉食物，時不時都會到新界地區買來給發媽。而發哥的孝順，也令發媽深感自豪，她曾笑說：「你哋話發仔成功，點解唔讚發媽成功？我成功養大四個仔女，至有今日成功嘅發仔。」