劉鑾雄(大劉)一直都好痛錫佢同女友甘比所生嘅女兒劉秀樺(Josephine)，去年大劉就花咗2.2億港元，投咗一顆重16.08卡的FancyVividPink粉紅鑽石，命名為TheSweetJosephine送比囡囡，可見甘比兩母女都好受到大劉嘅寵愛。

噚日下晝約四時許，記者發現到甘比同囡囡喺金鐘太古廣場出現，兩母女就好平民化咁係商場內嘅FoodHall歎Triple-O's漢堡包，全程冇保鑣係身邊。人仔細細嘅Josephine坐喺Bar枱位置，甘比就好細心用手機打晒拍子咁o氹囡囡食漢堡包，Josephine就一啖一啖咁食，狀甚開心！

食完漢堡包，兩母女就開開心心咁行上樓上嘅連卡佛買嘢，年屆8歲嘅Josephine拖住媽媽，心情high爆咁邊行邊跳，童心未泯嘅甘比就旁若無人咁陪阿女邊行邊跳，真係好鬼溫馨㗎！

去到連卡佛裏面嘅家品店，見到甘比嘅保鑣，原來保鏢正等待售貨員包貨，相信甘比之前已經睇中心頭好，但又怕餓親寶貝女，所以就留低保鑣等貨，佢就同阿女去食漢堡包醫肚。Josephine一見到店員，都好有禮貌咁同佢哋打招呼，一啲架子都無，認真乖豬！

等候期間，Josephine坐咗喺張電腦椅到自轉自娛，店員包好貨後，Josephine就拖住甘比，繼續跳跳紥咁彈去停車場，真係母女同心，但可憐保鑣同店員哥哥，要跟住佢地兩母女個Beat跑，就顯得有啲尷尬喇！好不容易，佢地一行四人，終於去到停車場，Josephine就衝上架車，開車前仲主動同店員哥哥講拜拜添！