童星出身、曾演出經典韓劇《大長今》「小今英」一角嘅25歲女星李世榮，近日憑tvN劇集《和遊記》而人氣急升。李世榮日前受訪時率先提到劇集開播時工作人員受傷引起嘅爭議，表示：「好唔開心，而且從小已經喺片場長大，同樣認為場片嘅安全問題係需要改善。」

隨後李世榮亦提到近日蔓延到韓國演藝圈嘅「#MeToo」運動，：「係好有意義嘅事，藉住呢個運動開始重視並唔再默許同樣嘅事發生，對社會係有好嘅影響。」李世榮表示有好多人受到性侵、性騷擾時都唔敢出聲，並暗示自己未成年時都曾受性騷擾，甚至因為咁而考慮過繼唔繼續演戲。不過李世榮就樂觀地指：「呢個世界仲有好多好人，仲有善良、正直嘅人存在，只要我唔太放喺心上、堅定自己嘅信念就得。」

李世榮又指其實唔止女性，喺演藝圈中好多男演員亦都喺不自覺嘅情況下遭到騷擾，並回想起去年播出嘅劇集《最佳的一擊》中，當中一幕佢要摸金旻載屁股嘅場面。

更多韓流，喺晒《娛果》
http://fb.com/appledailyent