23歲的Dora在台灣出生，到香港生活了5年多，今屆台灣大選特意回到台灣投票，「我想為台灣民主投一票，如果少咗我嘅一票，我會覺得對唔住自己。」

Dora在台灣生活了17年，但一直沒有很強的身分認同，直至到香港生活後，看到香港的政治狀況，比以往更珍惜台灣人的身分和投票權，「走出台灣前唔覺得自己身分好特別，到咗香港後，見到有人因為自己係香港人而掙扎，就會覺得自己覺得自己幸運，身分認同高咗。」

Dora認為香港的政治變化在這5年確有明顯改變，看到中共對香港的政治手段，甚至令她擔心人身安全，「中共多咗想改變香港嘅行為，另一方面香港人近年嘅政治意識高咗。咁多年，我一直無參與香港嘅遊行，因為我會驚，覺得香港漸漸好多事同中國有關，但喺台灣，我係有參與，因為我唔會擔心自己。」

「台灣一路走來嘅民主路係好辛苦，香港未有經歷過台灣嘅民主歷史，喺台灣可以選自己嘅總統，香港可以投嘅就係區議員，地位太低，香港仲有好長嘅路。」Dora指出長期生活在兩地，港台民主狀況不同，往往令她更珍惜台灣的一人一票選總統的機會，「有些情況可見兩地民主意識嘅不同，例如台灣老人家會主動講政治，但香港老人家相對少啲」。她認為只有經過長期的民主發展，才能做到由幼到老的民主意識開竅。

Dora今日票投民進黨，因為她相信透過手上一票可改變台灣這8年來，國民黨執政時的民不聊生局面，但她同時希望「第三勢力」的新政黨能夠成功走入國會，「民進黨關注嘅係宏觀嘅政治問題，但細黨入到立委，可以把本地議題嘅聲音帶出來。」

記者梁佩珊