苗禮德整個2月份錄得四冠六季成績，以中型倉口來講，成績算得上標青。明日（2日）苗廐七駒列陣，尾場「飛星凱旋」配上今季騎練從未合作的莫雷拉，無論在操練及用人方面，都擺出一副搏殺格局，有權殺出重圍。

第三場四班草地1400米：三歲馬「長長友」初跑1400米已經入Q，雖頭馬「珍珠鳳凰」再出表現失準，但能力拒「我願意」跑第二，已篤定具備三班頭馬實力，翌仗演出走樣，可歸咎於慢步速，全程被頂出四疊，影響末段衝刺力。

再秤上仗C加3欄抽一檔，入直路穿插而上，是成熟及膽色進步表現，拉士拍住「神亮金剛」單打獨鬥，叮噹馬頭影相輸跑第二，純粹運氣不及對手，完全與實力無關。

「長長友」拼後復課保持正常快跳工夫，走過身輕步爽，毛水比之前三仗更深潤，由於楊明綸受傷，換上更硬淨的李寶利，戰鬥力有增無減，抽6檔起步相比主要對手「暴風俠」排14檔，勝算更高。

第十場三班草地1400米：計牌面當然係「繽紛遊戲」最好，近績可靠，略為擔心排14檔，有機會被頂出四疊，究竟蝕唔蝕得起？「志在四方」上仗初出跑第四，感覺上北半球馬仍要時間適應，可爭而欠穩。

再數落去，「飛星凱旋」除有雷神之助，本身跑慣跑熟，上季便在現時同樣的69分砌低「酷比仔」、「龍船」贏馬，賽績有根有據。

最近三仗俱跑C加3欄1400米均排外檔，入彎時蝕位無數。其中，上仗用利敬國追勢最強勁，拉士22秒1逢馬過馬，最後只輸畀一步不蝕的「智力寶」兩馬位跑第三。

今次抽4檔起步，形勢大幅扭轉，加上雷神前季曾一騎即勝，在發力點上相信會更得心應手。

-----------------------------------------
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb