韓團EXO前成員吴亦凡(KRIS)自從向前所屬公司SM事務所提出解約之後,一直都留喺內地,準備大展拳腳。繼日前佢確定演出內地女星徐靜蕾執導嘅新戲《有一個地方只有我們知道》之後,今日佢就回復歌手身份,為台灣導演郭敬明嘅電影《小時代3:刺金時代》演唱片尾曲《時間煮雨》。
《時間煮雨》係KRIS繼退出EXO之後第一首音樂作品,之前有粉絲講過KRIS過去兩年喺EXO唱嘅歌入面,加埋唱咗10句都冇,幾鬼可憐呀!今次郭敬明俾機會KRIS自己一個唱晒成首歌,粉絲們梗係期待到爆喇。
噚晚郭敬明一喺微博公開呢個消息咋,就已經有成近23萬個轉發,就知班粉絲有幾high喇。