今晚八時三十分將舉行《2003年度國際華裔小姐》競選,二十位準華姐昨日在無綫電視城舉行「友誼小姐」選舉,結果將於今晚公布。眾佳麗一同以密實一件頭泳衣示人。
葉璇大讚得體
對於投票選舉「友誼小姐」,香港代表20號林敏俐表示有信心得獎,她說:「我希望可以好似郭羨妮同埋李嘉欣一樣,代表香港攞獎。呢排我為咗準備比賽,主要都係食生果、飲水同埋做gym,我重睇咗歷年嘅比賽錄影帶,吸取經驗。」
九九年華姐冠軍葉璇昨日在排舞室為華姐表演綵排,她表示看好林敏俐,她說:「梗係睇好啦!佢大方得體,談吐好,好過好多未受過選美訓練嘅人。我覺得只要淡定,答問題搞吓氣氛,唔一定要廣東話講得正。當年我以紐約小姐參賽,都有留意今年嘅紐約代表,人哋話佢係黑馬,嗰時我都俾人認為係黑馬,最終都得到獎。」
暴露佳麗弱點
此外,昨日眾佳麗的泳衣均十分密實,但仍難掩各佳麗體態上的弱點,如西雅圖代表8號馬安妮和馬尼拉代表17號李景熙穿上泳衣後,肥肉原形畢露;蒙特利爾代表4號陸韻,由於膚色白皙,腿上的紅筋盡現。
採訪:楊潔雯
攝影:甄朝健