陳美齡今日以嘉賓身份出席荃灣舉行《閱讀滿FUN嘉年華》揭幕禮，分享點樣培養小朋友閱讀習慣，佢嘅秘訣係由小朋友仲未識講嘢嗰時，就每晚同佢哋講故事，久而久之，小朋友就會主動去看自己喜歡書本。佢又建議一家人可以閱讀後可以聚埋一齊分享，佢話:「有時爸爸鍾意睇偵探故事會有啲暴力內容，又例如愛情故事有啲香艷，父母喺分享時就要有技巧去講。」

大仔結婚擺酒之旅唔夠半個月就開始，美齡已經派好請帖，佢講笑話不停提自己唔好太緊張，以免有錯漏，繼本月24日台灣、28日日本後，月底31日便來港擺酒，準奶奶已經去咗婚宴會場兩次，並揀好晚宴餸款，佢話:「我決定喺香港時負責插花，已經諗好主題同到花墟揀定心水花款，大約插20盆。」原本佢已經訂造好奶奶裙，但因為係藍色，要再訂造過一條棗紅色嘅裙。

精選娛聞，喺晒《娛果》
http://fb.com/appledailyent