【賭馬講呢啲】換取到練馬師信任 巴度直搗「葵涌」（妙瞳）
蘋果日報 2019/12/20 22:20
妙瞳賭馬講呢啲巴度田草葵涌精英
面對早前出現海外騎師逃亡潮，剛周三（18日）馬會公佈將會有新面孔法國騎師彭國年來港出賽兩個月。
可能筆者孤陋寡聞，對彭國年這個名字相當陌生，試過問馬友會否了解更多，答案都係一個問號。
從不反對香港馬圈有新騎師，而是這些新鮮人到港初體驗，通常都是兩、三個月短約。
若本身沒有名氣，就算馬會近季有聘請新騎師經理人作出支援，除非能平地一聲雷，否則要快速打入市場很難。
到他們適應到開始取得支持，可能客串期已完，馬會這樣請一位外援，某程度似為請而請！
要幫這些新外援打入市場，馬會可否諗諗在他們未贏夠一定場數時，給予減磅優惠，譬如在港未贏夠三場，先獲減三磅，起碼提供一些誘因，讓練馬師、馬主試用新人，亦希望今次夠膽到港闖關的彭國年，稍後不會睇多過跑。
當然，同樣來自法國的巴度，經過這幾季冬天造訪，已換取到練馬師信任，並能交出不錯表現。
今次（21日）田草第三場五班1200米騎「葵涌精英」，季內三戰1200米，不論田草抑或谷中均能闖入三甲，最近兩次更配巴度。
剛戰人馬合作跑谷草1200米，因出閘受阻落到包尾，拉士又自己斜跑，最終輸唔夠兩個馬位，伸算今次取位順風順水，應該可以補中。
至於巴度第二場座騎「輝煌芯」，埋門兩次試大閘，拉士一畀即有，論成熟程度，與早前一出即勝的廐侶「超能力」不遑多讓，有力接棒打響本身出賽頭炮。
葵涌精英曾在這次所跑的五班田草1200米上名