【拆局】
人大委員長張德江剛結束訪港之行，即傳出特首梁振英有意安排立法會議員到訪深圳，港澳辦主任王光亞等京官亦會出席。有泛民議員稱聽聞此次北上並非梁主意，而是北京安排，更有人估計北京想為下屆特首選舉作初步決定前，進一步收集議員意見，估計梁未必樂見其事，「因為到時鬧佢嘅人一定多過撐佢」。

有泛民立法會議員稱盛傳北京6月會對下屆特首選舉作初步決定，「今次張德江嚟香港，盛傳就係代表中央收集意見」，他們估計邀立會議員去深圳，也不是考察如此簡單，而是對下屆特首人選，以致未來對港政策，收集更詳盡資料，「如果淨係考察，使乜叫埋港澳辦主任王光亞、基本法委員會主任李飛落深圳？」
所以有泛民中人相信，特首梁振英未必樂見泛民再數落自己，「中央未決定下屆特首點搞，梁振英未肯定中央撐佢連任，點會想畀機會泛民再係京官面前插佢，叫北京唔好撐佢連任」，所以有泛民相信或許有人會搞一些「小動作」，「最好全體泛民唔去，咁就最安樂」。
■記者莫劍弦