韓國「國民初戀」秀智夥拍男星李鍾碩主演嘅SBS新劇《當你沉睡時》，將於本月27號首播，劇組近日Keep住公開新相谷劇，繼噚日公開完李鍾碩嘅檢察官造型後，今日就公開秀智嘅新相。

雖然今次秀智為咗劇集剪成短髮，但公開嘅相中亦見到秀智長髮嘅時候，唔知秀智遇到咩事而要剪短髮呢？而秀智飾演嘅南洪珠可以透過夢境預知他人嘅不幸，而且夢到嘅嘢一定會發生，所以秀智每次瞓醒都會記低夢中嘅事。目前無業嘅南洪珠正喺母親嘅烤肉店幫手，所以公開嘅相亦見秀智身穿紅色圍裙嘅樣貌，相當可愛。

另外，劇組今日公開主打海報，秀智跟李鍾碩於櫻花樹下相擁，場面浪漫。