今年日本那霸市落實肯定同性伴侶關係，從7月17日開始，只要同性伴侶其中一位係當地居民，就可以申請同性伴侶關係證書。

當地嘅首個同性婚禮就喺17號當日舉行，男同志眞地順治與安座間尚彦喺眾多那霸市民見證下行禮，身為佢哋好友嘅日本女歌手中島美嘉當日都帶埋排球選手老公清水邦廣到賀，仲拖實老公喺當哋逛街，好恩愛。

中島美嘉負責為一對新人遞上戒指同獻唱祝福歌，MAX成員LINA都有到場祝賀，中島美嘉噚日就有喺Instagram撰文送上祝賀，佢話呢場同性婚禮喺戶外舉行，一對新人喺咁多人見證下成為夫婦，令佢好感動，佢又話那霸市開啟咗同性伴侶合法化嘅制度，為好友眞地順治同埋安座間尚彦成為首對登記嘅情侶感到驕傲。