當年今日
關於我們
飲食人誌:
大廚懂中藥 藥膳可以好滋味
蘋果日報 2003/10/08 00:00
今時今日嘅香港人,比起以往更加注重飲食健康,尤其聽見「補肺」呢兩個字,就乜都唔理食咗先算。其實要做到有食療嘅效益,藥材同食物嘅配搭都需要一定學問。最近趁秋風剛起,有一間私房菜推出滋陰潤肺藥膳菜,大廚曾經喺廈門讀過兩年中藥課程,而老闆兼顧問更係藥材舖老細,咁嘅組合研究出嚟嘅藥膳菜,補都補得有信心啲啦。 記者:馬慶武 攝影:陳智良 逢星期一至日出版
大廚健哥十多年前由內地來港,由第一日學廚開始,只知道把菜式弄得美味,便能吸引食客。當年中學畢業後到廈門醫藥技術學校修讀過嘅兩年中藥課程,已經慢慢遺忘。直至數年前重遇小學同學兼鄉里鄭先生,才重拾對中藥嘅興趣。「鄭生嚟咗香港後一直做中藥買賣生意,佢又知我讀過中藥課程,所以我哋嘅話題都離唔開中藥。」有一次大家傾開,一個想開餐廳,一個想搞中藥店,就係咁,將兩個人嘅大計「合體」,開咗呢間以藥膳菜為主打嘅私房菜。