傅穎走音最強轉行出書
蘋果日報 2009/05/24 00:00
金牌大風近日人事大變動，除一哥古巨基跳槽英皇外，一直是唱片及經理人部揸弗人的黃柏高（Paco）也被調往電影部。外間有傳鄭中基將接棒做CEO（行政總裁），但他再三否認並暗寸基仔搞是搞非。
前晚新上任的金牌大風CEO陳輝虹與老闆鄭東漢現身廣州，帶同旗下歌手側田、小肥和RubberBand出席新城「華語音樂盛典2009」頒獎禮，同場還有大贏家謝安琪、方大同、G.E.M.和胡琳等。記者上前欲訪問鄭東漢，他即推陳輝虹出來做擋箭牌，問到為何不見Paco時，陳輝虹強調因Paco已調往管理電影部，故不會出席音樂頒獎禮。
對於外間有傳被封為「屎上最強歌手」、頻頻唱歌走音的傅穎（Theresa）和小肥會遭out走，陳輝虹說：「全部都冇，個個都仲有合約，最快派歌嘅係吳雨霏同RubberBand，另外鄧麗欣會喺7月出書。」
前晚新上任的金牌大風CEO陳輝虹與老闆鄭東漢現身廣州，帶同旗下歌手側田、小肥和RubberBand出席新城「華語音樂盛典2009」頒獎禮，同場還有大贏家謝安琪、方大同、G.E.M.和胡琳等。記者上前欲訪問鄭東漢，他即推陳輝虹出來做擋箭牌，問到為何不見Paco時，陳輝虹強調因Paco已調往管理電影部，故不會出席音樂頒獎禮。
對於外間有傳被封為「屎上最強歌手」、頻頻唱歌走音的傅穎（Theresa）和小肥會遭out走，陳輝虹說：「全部都冇，個個都仲有合約，最快派歌嘅係吳雨霏同RubberBand，另外鄧麗欣會喺7月出書。」
新任金牌大風CEO陳輝虹（左）和鄭東漢（中）前晚雙雙現身樂壇頒獎禮。
農夫和胡琳（中）在廣州雖然知名度不高，仍獲現場觀眾歡呼打氣。
「用長時間搵新方向」
是否不為Theresa出碟？陳輝虹說：「佢之前出咗兩張，我哋會用長時間去執吓佢嘅發展路向，佢文字同畫畫都好好，可能幫佢出繪本展示才能。之前可能佢太忙冇時間練歌，有負面感覺，畀啲時間佢搵新方向。」再問鄭中基是否會做CEO時，鄭東漢說：「相信佢個人冇可能做，我都唔係好想佢子承父業，佢家做自己開心嘅嘢，點解要逼佢做唔想做嘅嘢。」前晚鄭中基女友蔡卓妍的爸爸也在場，不過兩位未來親家未有交談。
至於Theresa前晚則在金鐘出席活動，對於鄭中基被捲入男星召妓新聞，Theresa說：「我認識嘅佢係好幽默，唱歌好好聽，其他嘢我就唔了解，唔講咁多。」
採訪、攝影：林妃、曾小嘉
至於Theresa前晚則在金鐘出席活動，對於鄭中基被捲入男星召妓新聞，Theresa說：「我認識嘅佢係好幽默，唱歌好好聽，其他嘢我就唔了解，唔講咁多。」
採訪、攝影：林妃、曾小嘉
謝安琪走勢依然凌厲，前晚在頒獎禮上奪三獎成女歌手之冠。
年紀輕輕的G.E.M.以一身成熟打扮示人，教人眼前一亮。