多區區議會光復後，由民主派主導，但政府打壓嘅方式真係層出不窮，今次係玩「改名」。話說沙田民政處將用咗將近20年嘅沙田區議會會議室，改名做「沙田民政事務處會議室」，處方辯稱咁樣係「正本清源，撥亂反正」。小學雞到呢。

的確各個區議會開會嘅地方，都係用緊民政處嘅地方，但去過唔同區議會嘅人都知，開會嗰間房就係叫「區議會會議室」。

不過今日沙田區會財務及常務委員會諗住討論沙田區會會議室使用規則，如一向用嚟開會嘅「沙田區議會會議室」有乜使用守則前，民政處就搶先改咗會議室個名叫「沙田民政事務處會議室」，仲要叫職員用玻璃膠封死埋水牌上嘅會議室名稱，似乎唔想畀民主派隨時開會用。

沙田區議員公民黨黃文萱話，沙田民政處高級行政主任（地區管理）廖偉文回答議員提問時死撐，今次咁做係「正本清源，撥亂反正」。

另一沙田區議員廖栢康就喺社交網站話，「議會戰線？會議室都收埋你啦！」枉呢個政府仲話聚焦經濟、改善民生，玩埋啲小學雞政治把戲就叻。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！