隨聖經附送兩球星床照！ 耶穌仔哥斯達疑做老襟睡同一女子
蘋果日報 2020/12/21 16:48
西甲迪亞高哥斯達加比爾捷西斯英超曼城床照
英超球星周不時都會四處留情，只不過要小心親密嗰時留低嘅床照，有機會被公開帶來醜聞。據英國《太陽報》話，近日有一本喺慈善商店入面嘅聖經，就意外發現隨書附送兩張球星床照，一個係前車路士球星兼現任西甲馬德里體育會前鋒迪亞高哥斯達，一個就係曼城前鋒加比爾捷西斯，兩個都疑似同一位相同嘅女子喺床上合照。兩張相仲要夾喺聖經入面，似乎畀人惡搞！
曼城前鋒加比爾捷西斯。
前車路士球星、現任西甲馬德里體育會前鋒迪亞高哥斯達。
據講呢本聖經係由一位女子捐去位於倫敦中部馬里波恩嘅慈善商店，點知聖經入面居然暗藏兩張床照，有消息就話，「啲相好明顯認得出係加比爾捷西斯同迪亞高哥斯達，佢哋隔籬位女子都係同一個人。」相入面，兩pair人都笑得好開心，仲好放鬆咁望向鏡頭影相。而且兩個疑似係耶穌仔同哥斯達嘅男子都係上身赤裸，而女子喺其中一張相就只係穿住一件性感吊帶背心。有指兩張相係於唔同時間影。
消息又話，呢間慈善商店平時都係收啲砌圖同二手衣物咁，睇嚟今次之後就要進行下改革。而嗰位有心嘅西班牙籍或拉丁裔女子喺今年五月捐出兩袋物品，其中一樣就係呢本聖經，當時佢表示有朋友要離開英國，所以清理吓啲物品。不過兩張床照一直都冇畀人發現，直到店員上個禮拜開始整理，先睇到呢兩張私密相。
----------------------------
時勢艱難，有問題即管開聲！
經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！
立即申請 : https://bit.ly/3892UgF
推廣期由2020年12月1日至2021年1月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
80頁NBA開季特集
點擊即睇《天下圍人》
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！