知足常樂，但對於何謂知足、何謂條件好，就人人有不同定義，最近OL網上聚腳地she.com的一段留言，就對女性的何謂條件好，引來網民連番激辯。
「見我auntie個仔30幾歲人，份工一萬蚊個月，女友幾千蚊個月，個女仔係少見世面嗰隻，甚麼都唔識，好易滿足，見她都幾幸福。不過，她奇怪我哋條件好嘅點解無另一半。我覺得係因為男仔要面，所以我哋根本market唔同。」
該段留言迅速引來網民迴響，有網友認為女性易滿足已是好條件的一種。「如果男人識選，真係一定選個『好易滿足，不難服侍』的普通女人，好過找個王熙鳳返來！」
也有網民反對以收入來衡量男性和女性的條件，「你有啲睇唔起人，個男仔搵一萬，都可能自覺唔夠，可能努力中，個女搵幾千蚊，都唔代表人哋見識唔多！」
發文者則堅持己見，「如果我條件差啲，我嘅接受程度可以低啲，我要求起碼個男仔條件比我好就是，相信每個女仔都想。」但就被網民批評是酸葡萄心態。