日本著名影星梅宮辰夫為慶祝80大壽及入行60年，噚日假東京一酒店內舉行Dinner Show慶祝，點知當佢老人家提早4小時到場時卻不慎跌親，結果在大喜日子卻頭破血流，立即被送到醫院治理，由於梅宮辰夫當時面部落地，導致鼻、右額及右邊面頰均受傷，共要縫30針，大會趁活動進行前亦公佈梅宮辰夫受傷消息，現場賓客無不替主角擔心。

原來大會一度考慮將今次Dinner Show中止，但梅宮辰夫堅持如常進行，而到正式開場時，戴住太陽眼鏡嘅梅宮辰夫就包住傷口負傷站台，見佢仍狀態不錯仲識講笑自嘲，之後又唱出四首歌曲，阿女梅宮Anna都有撐場，仲話：「能夠做梅宮辰夫個女實在太好！」梅宮辰夫隨即叫離婚多年嘅Anna快啲嫁人。

梅宮辰夫年前自爆患上十二指腸乳頭癌，一度體重暴減逾廿磅，幸而其康復情況理想，現在已回復健康。

精選娛聞，喺晒《娛果》
http://fb.com/appledailyent