當年今日
關於我們

唐寧被囝囝問何謂生死﹕聽完我都諗咗陣

蘋果日報 2016/05/14 06:00

蘋果香港唐寧母親節葵芳即時膠花娛樂公平貿易節聽完我都諗咗陣被囝囝問何謂生死

唐寧中午去到葵芳出席公平貿易節嘅活動,講到公平貿易,唐寧話一對囝囝仲細,未必能夠完全了解何謂公平,暫時只可以喺平日買餸既,解釋俾佢聽啲農作物耕種過程係點。

唐寧話大囝今年五歲,開始每事問,佢話:「佢試過同我講生死,問如果人老咗去到100歲後係咪會變番0歲,聽完我都諗咗陣。」

啱啱過去嘅母親節,唐寧話收到大囝用飲管整嘅膠花做禮物:「佢喺學校整完返嚟,响書包度搵出嚟然後收响身後話有嘢送俾我,話祝你個咩節快樂,我諗佢搞唔清母親同媽咪係同一樣嘢。」其實只要係囝囝親手整,做媽媽嘅收到咩都咁開心,唐寧仲話嚟緊父親節,大囝應該都會自己整嘢送俾爸爸。