有附近商販透露,兩店每日開門,均吸引大量水貨客到場搶貨,然後在廣場對開蹲下執貨入箱,由於人數甚多,不但企滿店外,有時累至鄰近店舖受到影響,「搞到我要同水貨客講唔可以擺咁多過嚟,直頭阻住我啲客買嘢呀!」
昨晨8時許,54歲姓黃男店員及44歲姓林男店員相繼返店,發現閘門被人淋紅油,噴上「護港驅蝗」簡體字及寫上「X你支那」等字句塗污,立刻報警,警員到場後列刑事毀壞案處理,交由大埔警區刑事調查隊跟進。
其中一店女店員承認顧客大多屬內地人,但否認外界所指是水貨集中營,「大陸人買都冇符㗎,唔賣畀佢哋,我哋賣畀邊個?人哋嚟買嘢唔通唔賣呀,你點知佢香港定大陸人,打開門做生意點解唔可以賣嘢畀人?」她又稱,開業半年來從無與人結怨,亦從來無遇過反水貨人士到場「挑機」,不排除日後安裝閉路電視加強保安。
街坊朱小姐稱,港府一直未能解決上水區水貨客問題,臨近節日更見嚴重,水貨客不但充斥藥房門口,部份店舖又把貨物擺出街外,造成不便。「走出條街一定要避過拖篋同車仔,成日輾過隻腳,行步路都窒住窒住。」
北區水貨客關注組召集人梁金成估計刑毀事件與巿民不滿水貨客問題有關。
■記者潘婉玲、周子惇