岑日珈今日喺商台宣傳新歌，佢透露下個月會為一部愛情笑片擔任女主角，男主角有馬志威同林盛斌（Bob），佢話：「好想喺戲入面，Bob做我男朋友，聽到佢有份做，我好開心，因為佢一定好搞笑，唔會有悶場。」

馬志威知道實好傷心，岑日珈話：「死喇！我唔係唔想同馬志威，或者講我同馬志威一齊，後來鍾意咗Bob。」不如搵Bob拍新歌MV，岑日珈話：「佢好忙，導演好似特登就佢個期拍呢部戲。」有冇見過Bob同梁烈唯嘅咀嘴相﹖佢話：「有，有日見到唯唯，我都有問佢，佢話幾好咀，醉咗玩嘅啫！」