茍芸慧（苟姑娘）今日去荃灣出席新年活動，以一身紅色喱士短裙加無敵黑絲誘宅男，但就冇乜睇頭。

苟姑娘去年密密拍劇同接Job，成為人氣女神之一，問佢係咪賺到豬籠入水？又會唔會考慮喺香港置業？佢就狂吐苦水：「香港啲樓好貴呀，如果同樣價錢喺加拿大可以買到好relax嘅空間，所以我要投訴，希望政府可以幫市民手，我可能會投資返加拿大先。」

另外，農曆新年就到，苟姑娘話會喺工作中度過，兼大派利是，由於去年賺多咗，但未知準備幾多錢去派。