大陸富婆Laura同TB製片汪子琦爆離婚，兩人反目互數，Laura狠批汪子琦苛索3千萬美金贍養費，揚言所有財產都係自己嘅，一分一毫都唔會畀，仲踢爆汪子琦喺求復合其間，畀佢發現再次偷食。噚日汪子琦就回覆《蘋果》表示：「我和她在一起十多年，從朋友到合作夥伴再到愛人，我要求的我認為也是合情合理的。」並否認自己有暗交其他人。

今日Laura喺社交網再出招，留言：「時間是一把戳穿虛偽的刀，驗證了人性，揭露了現實，淡化了承諾。」似暗譏前度言行虛偽，有網友抵死留言：「冇錢煩，太多錢都會煩！」相中嘅Laura戴齊鑽戒、鑽石手鏈、鑽石頸鏈炫富，笑對鏡頭，似乎冇受離婚新聞影響心情。

更多娛聞，喺晒《娛果》
http://fb.com/appledailyent