地產多聲道：有問有答新地網頁收料快
蘋果日報 2003/07/22 00:00
好多新樓入伙，業主都會自發搞個屋苑網頁，設立討論專區，講吓屋苑有乜嘢問題，討論家居心得，以至任何資訊。
蘭西最近瀏覽新地網頁，發現佢哋有個論壇專欄，原來係解答查詢為主。睇吓啲內容，好多都係查問新地屋苑資料，例如今年入伙嘅馬灣珀麗灣、將軍澳中心、長沙灣昇悅居。
較近期當然係元朗YOHOTown啦！估唔到連九龍站都有人問。呢個論壇，唔知會唔會發展成投訴欄呢？
蘭西諗，新地郭氏兄弟只要click入去，就可以知道住客有乜不滿，好過做家訪。咁做夥計嘅就要醒定啲嘞。唔係俾老闆問起，都唔知發生乜嘢事就弊嘞。
另外，新地協助將軍澳靈實恩光學校智障學童興建嘅感官花園，最近展開「愛心小熊滿恩光」慈善義賣活動。
喺新地二十個商場、兩鐵沿線車站，同太古地產嘅商場義賣。
逸濤灣夠體貼日人愛租住
太古西灣河逸濤灣，租出單位中，有九成以上係日籍租客，聽講唔少重係喺鰂魚涌嘅逸意居搬過嚟。
太古高級營業經理馬淑貞解釋，原因係樓盤裝咗隻「鑊」，可以收到日本電視，啲日本人就可以同步睇到日本電視節目，一解思鄉之苦。發展商肯為樓盤增值，自然可以贏得捧場客。
蘭西最近瀏覽新地網頁，發現佢哋有個論壇專欄，原來係解答查詢為主。睇吓啲內容，好多都係查問新地屋苑資料，例如今年入伙嘅馬灣珀麗灣、將軍澳中心、長沙灣昇悅居。
較近期當然係元朗YOHOTown啦！估唔到連九龍站都有人問。呢個論壇，唔知會唔會發展成投訴欄呢？
蘭西諗，新地郭氏兄弟只要click入去，就可以知道住客有乜不滿，好過做家訪。咁做夥計嘅就要醒定啲嘞。唔係俾老闆問起，都唔知發生乜嘢事就弊嘞。
另外，新地協助將軍澳靈實恩光學校智障學童興建嘅感官花園，最近展開「愛心小熊滿恩光」慈善義賣活動。
喺新地二十個商場、兩鐵沿線車站，同太古地產嘅商場義賣。
太古西灣河逸濤灣，租出單位中，有九成以上係日籍租客，聽講唔少重係喺鰂魚涌嘅逸意居搬過嚟。
太古高級營業經理馬淑貞解釋，原因係樓盤裝咗隻「鑊」，可以收到日本電視，啲日本人就可以同步睇到日本電視節目，一解思鄉之苦。發展商肯為樓盤增值，自然可以贏得捧場客。
地鐵喺六月「沙士」疫情放緩嘅時候，搞咗個平價換往來日本機票優惠，結果兩千張機票三日換清，重排晒長龍。
今個月因政府陸續退稅，地鐵又再趁勢搞多次旅遊優惠，今次就係同港龍航空合作，聽佢哋講，係前所未有咁震撼，詳情係點，今日公布。
香港人好鍾意出外旅遊，除咗地鐵搞換機票反應勁熱烈之外，上月國泰推出嘅九百九十九蚊內地旅行團，青島同昆明團，一早就滿額。
所以，促使地鐵今次添食再搞旅遊優惠。
港人熱愛養寵物，但好多住宅都唔准養，所以都幾煩惱。世紀21分行經理曾應豐話，上個禮拜做咗一單租務成交，個租客就係因為隻狗，先至揀呢個單位，重好爽手𠻹。
租客住開山頂寶雲道，但因租約期滿，業主收番間屋，同區又冇適合養狗嘅單位放租，惟有去第二區搵。
佢同事吳雅莉應個客要求，搵到堅尼地道一個一千呎，連地下一千呎花園嘅低密度單位畀佢，個客睇完即刻落鎚，翌日就簽租約，第三日已經搬咗入去。呎租十八蚊，算抵住。
蘭西
電郵地址：
逸濤灣可收睇日本電視節目，吸引日籍客過檔。
地鐵商場上次平價換日本機票，場面墟冚，證明深受市民歡迎。