兩位問責司局長「唐垃圾」同「李垃圾」早前將批評港府處理李克強訪港限制之聲視為垃圾，搞到全城憤怒。一班學者噚日登咗聯署聲明，表明「不容把言論、表達及新聞自由當垃圾」。
不過呢份聯署擺咗個小烏龍，聯署名單上，出現咗「香港大學錢大康」個大名，但實情係，錢大康根本唔喺香港，對成件事都唔知情，唔知點解俾人當咗有份聯署。負責聯署嘅嶺大學者梁旭明解釋，出現呢個誤會係因為網上聯署系統出現咗一啲技術問題，對引起今次誤會同混亂，表示歉意。佢哋亦同時有去信畀錢大康，向佢saysorry。係囉，有錯就認同埋道歉，並唔係一件難事。唔知點解有啲高官就係鍾意死不認錯。