舒淇嘅豐唇令人一見難忘，約十年前，舒淇曾獲美國最大娛樂頻道《E!》頒發「最性感嘴唇」美譽，力壓荷李活女星安琪蓮娜祖莉（Angelina Jolie）。

舒淇被喻為係氣質女神，擁有完美身段，每次踏上紅地氈都成為焦點，但原來小時候嘅佢都經常被人話醜樣，而話得最多嘅，就係舒淇媽媽。舒淇最近接受大陸媒體訪問，表示小時候並唔突出，頭髮係自然鬈曲，五官又唔係標準嘅美女模樣，故曾被媽媽嫌棄，佢話﹕「「我媽媽說我長得特別醜，怎麼會有人長得像你那麼醜，但是就是因為受到母親長期吐槽，當我面對其他人對我的外貌指點時，我也沒有太大的感覺了。」

難怪舒淇現在無論做乜都可以放下偶像包袱，完全唔介意喺微博晒出自己嘅雀斑、白髮，甚至係敏感臉紅時嘅照片，或許舒淇相信自信嘅美麗先係最恆久。

精選娛聞，喺晒《娛果》
http://fb.com/appledailyent