當年今日

唐寧拍拖玩煮飯仔

蘋果日報 2008/06/08 00:00


唐寧昨日在將軍澳電視廣播城錄影《星級廚房》節目,大顯身手煮芙蓉蛋,煲老黃瓜鯽魚豬骨湯。從來都不需要下廚的唐寧知道要到《星級廚房》擔任嘉賓,立即在家裏抽空練習。
在家練習怕出醜
唐寧說:「我平時唔使煮飯,又唔識切嘢,我驚上電視切嘢切得好核突,所以喺屋企學定,之前真係冇乜煮過嘢,因為媽咪煮嘢真係好叻,呢個可能係藉口喇!我都知我應該要學。」甚少入廚的唐寧,不知有沒有被男友嫌棄,她說:「咁又冇,不過,我哋試過一齊煮,唔會理好唔好食,主要係享受個過程。」
採訪、攝影:楊潔雯