電影《復仇者聯盟》（Avengers）中飾演黑寡婦嘅施嘉莉祖安遜（Scarlett Johansson），今年6月來港為新片《攻殼機動隊》（Ghost in the Shell）取景，噚日佢就應代言嘅中國智能手機生產商華為（HUAWEI）到深圳宣傳，更舉行公開活動見粉絲。

華為呢次為施嘉莉舉行「女神見面會」，只安排清一色女性fans參與，佢喺台上都有談到老公Romain Dauriac同埋囡囡Rose Dorothy，而施嘉莉相隔兩年再次到訪中國，佢獲粉絲送上自製遊記相簿，入面都係fans拎住偶像嘅靚相到唔同景點拍下嘅照片，搞到施嘉莉即場感動到眼濕濕，一向親民嘅佢仲有同內地影迷齊齊selfie。