2006年，羽毛球手周凱華心懷未知，孑然一身從加拿大回流香港；12載過去，這位32歲的女將經歷高低跌宕，昨夥拍李晉熙於亞運混雙八強出局，與獎牌只差幾分。賽後周凱華雙眼通紅，哽咽嘆道：「今次應係我最後一屆 ，同佢合作咁耐，咁多起起伏伏，喊唔係唔好事，但我地組合係個遺憾。」此刻的她無語問天，身累心更累。

比賽過後，周凱華和李晉熙兩人垂頭經過賽後訪問區，剛開口說了兩句，他們即示意說不下去。教練陳康倚柱靜默，兩人在他身邊呆坐凝視，在喧鬧的羽毛球館中，這小角落似是格格不入，但李周這對拍檔，旁人看來性格、對打球看法也本來就是格格不入，兩人一路歷盡風波，去年更殺至世錦賽四強，惟一場亞運八強，卻可能成李周合作絕唱。

周凱華賽後忍著淚水，感慨幾年努力轉頭成空，「我喊係唔捨得呢個拍檔呢個教練，同埋由我乜都無，到行到今日嘅球隊。我地為咗準備亞運，光頭（李晉熙）同教練今日都好難受，大家搏到盡，呢種滋味令我好唔捨得，唔知點去完。」12年的港隊生涯有榮譽有低潮，周凱華一直埋首搏殺，每日勞碌訓練，不敢浪費分秒；然而命裡有時終須有，她突然意識到或許是時候要暫且停下腳步，「我十幾年無休息，無話放過假。我知運動員生涯今日唔知聽日事，所以我一路都唔俾自己休息，但去到今日，好似真係時間要唞一唞，先知自己衝唔衝到，無得逼。」羽毛球手無論如何拼命救球，與對手於刁時周旋，比賽三局便是盡頭。前程未卜，周凱華無奈苦笑，望著畢生相伴的羽毛球，愛與厭也是一線之差，「我返香港純綷想唔使諗羽毛球，我對個人生都好攰，不單只係羽毛球。」　

記者：洪量丰

--------------------
意大利藍戰士駕到BFB CHAMPIONS 2.0！登入即送★7[Ex]尼斯達'07！立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports