美股走勢唔多妥，道指早前低位13000點將面臨考驗。恒指成份股組合中，雖已有一半為中資股，市場亦漸傾向認為港股受內地政經及股市影響較大，然而近日美股冷傷風，全球股市一齊感冒，港股即刻打噴嚏，反映美股影響力仍舉足輕重。
昨日驟看股場似一片風聲鶴唳，不過星俠所見，一般到證券行炒股的散戶「股齡」較高，與窩在家中網上炒股年輕的「御宅族」不同，老股民見慣大場面，所以今次跌浪，反應都算理性，似乎散戶的投資EQ已有進步。

星俠與其中一位散戶聊天，佢認為大市尚須調整，因為一般調整浪起碼出現三個下跌裂口，現時已出現其二，故此當大市再跌深些少，應可開始買優質藍籌。
長實（001）PE低過20倍，可趁跌市收集，如果能在132元水平買到就更好。長和系在內地土儲達1.95億方呎，長實一樣有條件炒內房股概念。本港樓市有升溫迹象，「日出康城」又即將推售，可伺機收集長實。