當年今日
關於我們

【湊個好字】李亞男爆有意生多一個 想睇住囡囡成長多一陣

蘋果日報 2019/09/17 16:47

李亞男郭秀雲Rosemar

李亞男、郭秀雲、名模Rosemary等,今天於銅鑼灣出席護膚品牌開幕活動,亞男為活動擔任剪綵嘉賓,戴着有「I Love u」意思的頸鏈,她甜笑指是老公王祖藍表達愛意的禮物,又大讚老公很貼心,兩公婆要保持恩愛,不時要給對方表愛意,亞男說:「我哋成日都好sweet,有咗女之後唔可以忘記對方,要互相表達愛意,我喺生活點滴上會比較貼心,好似每朝起身我都會提早半個鐘,做人肉鬧鐘,會拍佢、搖佢、錫佢,好多方法都會做,不過個女叫會醒快啲,佢一見個女就好sweet。」
亞男又指已經9個月大的囡囡Gabrielle是大隻B,現時已經重23.5磅,她笑說:「超重手,佢係偏大隻,我爸爸媽媽好錫佢,每餐都好多唔同食物,養到佢好好,好肥白。」囡囡萬千寵愛,怕寵壞她嗎?亞男說:「未出世前話唔寵嘅,但出世後就有,會忍唔住錫佢,全部人都錫,老公有時會好嚴話佢,佢就會即刻停,佢即刻會o氹我哋開心,而家啲小朋友真係好聰明。」問到會追個仔湊個好字?亞男說:「想睇住佢成長多少少先,呢幾年啦,都唔會好耐,我已經唔係廿幾歲。有仔當然好,但女都OK嘅,老公曾經講過要齊數,即是想生2、4、6或8個,兩個先啦,足球隊咩!」她又指目前以囡囡為先,所以少接工作,她說:「希望可以貼身陪住囡囡囡成長,親力親為,大家關係會好啲。好彩湊小朋友冇壓力,唔多情緒波動,係開心多啲,囡囡唔多扭計,係一個天使。」
另外,郭秀雲指日前出海做海洋保育,但穿上潛水衣的她在船上待得太久中暑,幸好及時發現,要狂喝水及下水降澤溫,已沒有大礙,郭秀雲指目前全球暖化問題刻不容緩,大家5年內再不正視問題,地球將冇得救,呼籲大家關注。
採訪:羅慧敏
攝影:陳慧安
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港
empty
(攝影:陳慧安)
empty
亞男又指已經9個月大的囡囡Gabrielle是大隻B
empty
郭秀雲指日前出海做海洋保育
empty
名模Rosemary