近日相繼有民主派人士到美國訪問，由於美國國會報告建議研究是否保留香港獨立關稅區地位，這些外訪自然備受關注，特首林鄭月娥叫外訪人士要出事實陳述、以香港最大利益為依歸，又聲稱由她代表去講香港情況，會更加權威。有曾多次外訪的民主派人士對季陶說，林鄭作為特首，她代表香港發言肯定有權威性，但外國政府及議員是否認為她的立場有權威性、可以代表民意，又是另一回事。

外國寧信民選議員

該名民主派人士以往去過多個西方國家，會見當地議員及政府高層官員，他直言民主派與這些國家議員及政府高層見面，不可能不如實反映香港情況，形容「冇得加鹽加醋」。

該名人士以曾經與德國政府官員見面為例，「佢哋好掌握香港情況，相信香港呢邊領事館交足報告，所以冇得誇大，但要呃佢哋香港冇問題亦冇可能」。

至於林鄭月娥去外國游說，是否真的如此權威？他說對一些官員、商界人士而言，林鄭游說是有權威性，「因為佢代表官方立場」，但去到議會層面，又或相關官員是有民選背景，「佢哋信民主派講嘅嘢多過信特區政府」，因為他們相信，民選議員說話有民意代表性，「佢哋自己都係民選產生，點會唔信直選議員講嘅，反而信北京欽點嘅林鄭」，又笑言若拿黃之鋒與林鄭比較，「肯見之鋒嘅共和、民主兩黨議員、唔會比肯見林鄭嘅少」。

季陶
周一、三、五刊出