【暗認豬蝶戀】爆同周揚青搞曖昧?
羅志祥孖蝴蝶姐姐晒情侶裝
蘋果蝴蝶羅志祥情侶裝即時姐姐周揚青暗認豬蝶戀搞曖昧
蝴蝶姐姐與小豬曾被拍喺台北被揭發戀情。(資料圖片)
現年35歲嘅台灣藝人羅志祥(小豬)上年被爆同內地女周揚青疑搞曖昧,上個月又被內地網民目擊小豬同周揚青喺東京約會,身邊仲有羅媽媽一齊,令唔少網民估計女方係唔係被羅媽媽認定身份,之後小豬曾強調佢哋只係遇到,目前未有女朋友。
唔少fans估估吓覺得小豬戀周揚青單嘢係唔係真嘅時候,噚日小豬忽然喺instagram貼出佢同舊緋聞女友蝴蝶姐姐(簡愷樂)嘅背影合照,仲大晒迷彩情侶裝,身貼身似乎暗示佢哋先係一對,唔通小豬想趁機承認「豬蝶戀」,有網民留:「大家都認同了你倆招了吧」,另一網民寫道:「祝你們幸福。」